Hop Hop Hop Dario
Hop hop hop Dario hop hop hop e bravo el es il meglder dal muond e quai n’s’allegra zuond. Hop hop hop Dario el fa passlung e quai co, e derasa superbgia e plaschair in tuot la Svizr’ed impustüt in Val Müstair.
Cun trenamaint ed ambiziun fors’ün di as ha success, e i’s dvainta champiun schi s’ha la cretta in sai svess. Dario Cologna ha muossà schi’s voul as es quai bun a l’inter muond ha demonstrà üna vaira sensaziun.
A quist giuvnot da nossa Val la sensaziun til es gratià, la gronda culla da cristal cun bravur’ha gudognà. Sandà, success e bler plaschair eir inavant at giavüschain, davent da nossa Val Müstair ils polschs per tai nus tgnain.
Song: Hop Hop Hop Dario (2009)
Text e melodia: Arno Lamprecht
Producziun: Ils Lumpazsumpazs
